चौरजहारी प्रकरणका आरोपीलाई १० दिन थुनामा राख्न अनुमति

काठमाडौं- रुकुम पश्चिमको चौरजहारी हत्याकाण्डमा अनुसन्धानका लागि पक्राउ परेकाहरुलाई जिल्ला अदालतले १० दिन थुनामा राख्न अनुमति दिएको छ।

घटनामा संलग्नको आरोपमा पक्राउ परेका चौरजहारी नगरपालिका–८ का वडाध्यक्ष डम्बरबहादुर मल्लसहित १८ जनालाई १० दिन थुनामा राख्न अदालतले अनुमति दिएको हो।

हत्याकाण्डबारे थप अनुसन्धानमा लागि २५ दिने समयमा माग गर्दै सरकारी वकिल कार्यालयले जिल्ला अदालत पेश गरेको थियो।

चौरजहारीबाट प्रेमिकालाई भगाउन गएका जाजरकोटका ६ युवाहरुलाई जेठ १० गते घेरा हालेर हत्या गरी भेरी नदीमा बगाएको आरोप उनीहरुमाथि लागेको छ।

जाजरकोटका नवराज विक र मल्ल थरकी युवतीबीचमा प्रेम सम्बन्ध रहेको थियो। परिवारको सहमति नभएपछि विक १८ जना साथीसहित युवती लिन पुगेका थिए।