काठमाडौं- नेपाली स्प्रिन्ट धावन सरस्वती चौधरी टोक्यो ओलम्पिकको पहिलो चरणबाटै बाहिरिएकी छन्। महिला सय मिटर दौडमा सहभागी बनेकी नेपाली खेलाडी चौधरी आफ्नो हिटको आठौं स्थानमा रहँदै बाहिरिएकी हुन्।
सय मिटर दौडको दोस्रो हिटमा नौ खेलाडी समावेश भएका थिए। तीन हिटबाट समान ३–३ खेलाडी र बेस्ट रनर एक जना अर्को चरणका लागि छनोट भएका छन्।
नेपाली धावन शीर्ष तीनमा पर्न नसकेपछि उनी आउट भएकी हुन्। अब नेपाली एथलेटिक्स टिमले ४८ घण्टा भित्रमा जापान छोड्नेछन्।
सरस्वतीले निर्धारित दूरी १२.५५ सकेन्डमा पुरा गरेकी हुन। उनले आफ्नो पुरानाने समयलाई पनि सुधार गर्न सकिनन्।
यता नेपाली एथलेटिक्स धावक गोपीचन्द्र पार्कीले ओलम्पिकमा सहभागीता जनाउन नपाएपछि नेपालको तर्फबाट सरस्वतीले ओलम्पिकमा प्रतिस्पर्धा गरेकी थिइन्।
टोक्यो ओलम्पिकमा नेपालबाट पाँच खेलाडी सहभागी थिए। सबै खेलाडीले पहिलो चरण पार गर्न सकेनन्। त्यस्तै, तीन खेलाडीले भने राष्ट्रिय कीर्तिमान बनाएका छन्।