प्रमुख प्रतिपक्षी दल नेपाली कांग्रेसका सांसदहरुले पनि संविधान संशोधन विधेयक दर्ता गराउने भएका छन्।
मधेशमा उठ्दै आएका विषयहरुलाई समेटेर संविधान संशोधनका लागि प्राइभेट बिलका रुपमा दर्ता गराउन लागिएको कांग्रेस सांसद अमरेश कुमार सिंहले जानकारी दिएका छन्।
सिंहका अनुसार मधेश क्षेत्रबाट प्रतिनिधित्व गर्ने आठ जना सांसदहरु विधेयक दर्ता गराउन संसद सचिवालय पुगेका छन्।
तर, विधेयकको फर्म्याटमा परिवर्तन गर्नुपर्ने भएकोले आज साँझसम्म दर्ता हुने नेता सिंहले बताए।
उनका अनुसार नागरिकता, भाषा र प्रदेश लगायतको विषयमा संविधान संशोधन दर्ता गराइँदैछ।
सरकारले दर्ता गराएको नक्सा सम्बन्धी संशोधनको पक्षमा मतदान गर्ने निर्णय नेपाली कांग्रेसले गरिसकेको छ। तर, कांग्रेसका मधेशी सांसदहरुले त्यस विषयमा थप छलफल गर्न आवश्यक रहेको बताएका छन्।