'तेस्रो लहरको जोखिमलाई मध्यनजर गर्दै पूर्ण तयारी गर्नुस्'

काठमाडौं- कोभिड–१९ को तेश्रो लहरको पूर्वतयारीमा जुट्न प्रदेश १ की सामाजिक विकास मन्त्री उषाकला राईले सम्बन्धित अधिकारीहरूलाई निर्देशन दिएकी छन्। 

सम्भावित तेश्रो लहरका लागि हामी तयारी अवस्थामा थिएनौं भन्ने छुट कसैलाई नभएको भन्दै उनले सबैलाई उपचार तथा रोकथाममा जुट्न निर्देशन दिएकी हुन्। सम्भावित तेश्रो लहरको पूर्व तयारी सम्बन्धमा आयोजना गरिएको भर्चुअल बैठकमा मन्त्री राईले उक्त निर्देन दिएकी थिइन्।

कोरोना संक्रमणको तेस्रो लहरमा बालबालिकालाई बढी असर पुग्न सक्ने विज्ञहरूको चेतावनीलाई ध्यानमा राख्दै बालबालिकाको उपचारका लागि अस्पतालमा छुट्टै वार्डको व्यवस्थापन गर्न उनको निर्देशन छ।