प्रमुख प्रतिपक्षी दल नेपाली कांग्रेस केन्द्रीय कार्यसमितिको बैठक यही शनिबार बस्ने भएको छ।
बैठक शनिबार दिउँसो १ बजे पार्टीको केन्द्रीय कार्यालय, बीपी स्मृति भवन ललितपुरमा बस्नेछ।
संसदमा दर्ता भएको संविधान संशोधन प्रस्ताव बैठकको मुख्य एजेण्डा हुने कांग्रेसले जनाएको छ। बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुलाई अनिवार्य उपस्थितिका लागि पार्टीले निर्देशन जारी गरेको छ।