पर्सा– पर्सामा वन तस्कर र प्रहरीबीच झडप भएको छ। पटेर्वा सुगौली गाउँपालिका–४ फरहदवामा ८ जनाको समूहले लिएको काठका गोली नियन्त्रणमा लिन खोज्दा झडप भएको हो। सो क्रममा प्रहरीले हवाई फायर गरेको थियो।
वन तस्कर समूहले अवैध रुपमा सामुदायिक जंगलबाट चोरी तस्करी गरी काठ ल्याउँदै थिए। तस्कारलाई नियन्त्रणमा लिन खोज्दा झडप भएको पर्साका प्रहरी नायब उपरीक्षक ओमप्रकाश खनालले बताए। उनका अनुसार झडपका क्रममा प्रहरीले तीन राउन्ड हवाई फायर गरेको थियो।
प्रहरीमाथि नै जाई लाग्न खोज्दा झडप भएको पर्सा प्रहरीले जनाएको छ। पर्सा प्रहरीले बीआर २२ एफ ४१०८ नम्बरको एक भारतीय र ना ४० प ९३९३ नम्बरको एकवटा नेपाली मोटरसाईकल र २ थान गोलिया बरामद गरेको छ। घटनापछि तस्कर फरार भएका छन्