काठमाडौं- प्रधानमन्त्री केपी शर्मा ओलीले कोरोना विरुद्ध लड्न परामर्शदातृ सयन्त्र बनाइने बताएका छन्।
कोरोनासँग सम्बन्धी विभिन्न निकायका व्यक्तिहरुलाई समावेश गरी संयन्त्र बनाइने उनले बताए।
सोमबार राष्ट्रको नाममा सम्बोधन गर्दै उनले उक्त संयन्त्र बनाउने बताएका हुन्।
प्रधानमन्त्री ओलीले लकडाउन उठाएका कदमहरु सफल भएको दाबी गरे।
२ महिनाको बच्चादेखि ८१ वर्षकी वृद्धालाई निको पार्नुलाई सफलताको रुपमा लिनु पर्ने उनले जनाए।
कोरोनाविरुद्ध केन्द्रीय कमाण्डलाई थप बलियो बनाइने जानकारी दिए।