भैरहवा- रुपन्देही सदरमुकाम भैरहवाको लीलाराम माविको क्वारेन्टिनमा रहेका एक जना युवामा कोरोना पोजेटिभ देखिएको छ।
ती व्यक्ति वैशाख ३१ गते भारतबाट आएका थिए। रोजगारका मुम्बईमा बस्दै आएका ३६ वर्षीय ती पुरुष लकडाउन भएपछि स्वदेश फर्केका हुन्।
प्रादेशिक जनस्वास्थ्य प्रयोगशालाका प्रमुख डा. राजेन्द्र गिरीले सिद्धार्थनगर ८ स्थित लीलाराम माविको क्वारेन्टिनमा रहेका एक व्यक्तिमा कोरोना पोजेटिभ देखिएको बताए।
रुपन्देही सदरमुकाम भैरहवामा पहिलोपटक काेराेना संक्रमित देखिएको हो। उनी सिद्धार्थनगर ८ का बासिन्दा हुन्।