आईसीयूमै मृत्यु भएका युवाको कोरोना रिपोर्ट नेगेटिभ

जिल्ला अस्पताल रोल्पाको आईसीयूमै ज्यान गुमाएका एक युवकको कोरोना रिपोर्ट नेगेटिभ आएको छ ।

दाङको घोराहीस्थित राप्ती स्वास्थ्य विज्ञान प्रतिष्ठान मंगलवार गरिएको परीक्षणमा पिसिआर रिपोर्ट नेगेटिभ आएको हो।

युवकको सोमवार आईसीयूमै मृत्यु भएको थियो। उनको मिर्गाैलामा खराबी देखिएछि अस्पताल भर्ना भएका थिए। केही कोरोनासँग मिल्दोजुल्दो लक्षण पनि देखिएको थियो। तर, परीक्षणबाट उनमा कोरोना नभएको रिपोर्ट आएको छ।

यस्तै, दाङमा रहेका क्वारेन्टाइनबाट संकलण गरिएको स्वाब, प्यूठान जिल्लाबाट आएको स्वाब परीक्षण गर्दा १०४ जनाको रिपोर्ट नेगेटिभ आएको प्रतिष्ठानका कायममुकायम रजिष्ट्रार कैलाशप्रशाद देवले जानकारी दिए।

प्रतिष्ठानमा मंगलबारसम्म ६८५ जनाको रिपोर्ट परीक्षण गरिएको छ। तीमध्ये ६८३ रिपोर्ट नेगेटिभ आएको र दुईजनाको पोजिटिभ आएको छ।