प्रधानमन्त्री केपी शर्मा ओलीले भारतबाट लुकेर आउने अनि लुकेर बस्ने प्रवृत्तिले समस्या आएको भन्दै त्यसो नगर्न आग्रह गरेका छन्।
जेठ २ गते संसदमा प्रस्तुत सरकारको नीति तथा कार्यक्रममाथि सांसदहरुले उठाएका प्रश्नको जवाफ दिँदै उनले चीनको उहान, इटाली, दुवईबाट आएको भाइरस कडा खालको नभए तर भारतबाट आएको भाइरस कडा खालको देखिएको पनि टिप्पणी गरे।
प्रधानमन्त्री ओलीले कोरोनाका कारण कोही पनि नागरिकको ज्यान जान नदिने सरकारको प्रयास विभिन्न कारणले असफल भएको स्वीकार पनि गरे।