वीपी कोइराला स्वास्थ्य विज्ञान प्रतिष्ठानमा भोलिदेखि ओपीडी सेवा चल्ने

काठमाडौं– धरानस्थित वीपी कोइराला स्वास्थ्य विज्ञान प्रतिष्ठानले भोलिदेखि ओपीडी सेवा सुरू गर्ने भएको छ।

कोभिड–१९ को संक्रमण कम गर्न समाजिक दूरी कायम राख्दै उपचार सेवालाई अगाडि बढाइने अस्पतालले जनाएको छ।

अस्पतालले मुख्य गेटमै बिरामीलाई टोकन दिने र सोही आधारमा नाम दर्ता गर्ने भएको छ।

अस्पताल प्रवेश गर्ने सबैलाई मास्क अनिवार्य गरिएको अस्पतालको भनाइ छ।

कोभिड–१९ को संक्रमणसँगै अस्पतालले ओपीडी सेवा बन्द गरेको थियो।