भारतमा २४ घण्टामै कोरोना भाइरसका ५ हजार २४२ जना संक्रमित थपिएका छन्। दैनिक संक्रमणका हिसाबले यो अहिलेसम्मकै ठूलो उछाल हो। योसँगै भारतमा कोरोना संक्रमितको संख्या ९६ हजार १६९ पुगेको छ।
बीबीसीका अनुसार पछिल्लो २४ घण्टामा त्यहाँ १५७ जनाको मृत्यु भएको र मृतकको कुल संख्या ३ हजार २९ पुगेको छ।
कुल संक्रमितमध्ये ३६ हजार ८२३ जना भने निको भएका छन्। कोरोनाको संक्रमण रोक्न लकडाउन लागू भएको करिब ८ साता बित्दा पनि भारतमा संक्रमण बढेको बढ्यै छ।
हिजो आइतबारमात्रै लकडाउनको अवधि थपेर ३१ मेसम्म लम्ब्याइएको छ।
कुन राज्यको स्थिति कस्तो ?
महाराष्ट्र– ३३,०५३ संक्रमित, ११९८ को मृत्यु
गुजरात– ११,३७९ संक्रमित, ६५९ को मृत्यु
तमिलनाडु– ११,२२४ संक्रमित, ७८ को मृत्यु
दिल्ली– १०,०५४ संक्रमित, १६० को मृत्यु
राजस्थान– ५२,०२ संक्रमित, १३१ को मृत्यु