कोरोना संक्रमणबाट मृत्यु भएकी महिलाका १४ दिने शिशुमा संक्रमण देखिएन

काठमाडौं- कोरोना भाइरसको संक्रमणबाट नेपालमा पहिलो पटक मृत्यु भएकी महिलाका १४ दिने शिशु र परिवारका अन्य सदस्यमा कोरोनाको संक्रमण पाइएको छैन।

धुलिखेल अस्पतालमा गरिएको पीसीआर परीक्षणमा सबैको रिपोर्ट नेगेटिभ आएको अस्पतालका प्रवक्ता डा। सुमनराज ताम्राकारले जानकारी दिए।

सिन्धुपाल्चोककी २९ वर्षीय ती सुत्केरी महिलाको मृत्युपछि उनलाई कोरोना भाइरसको संक्रमण रहेको पुष्टि भएको थियो।
त्यसलगत्तै शिशु र मृतकका पति, आमा र बहिनीलाई आइसोलेसनमा राखिएको थियो।

अहले कसैमा पनि संक्रमण नदेखिएपछि उनीहरुलाई जिल्लाको क्वारेन्टाइनमा पठाउने तयारी गरिएको अस्पतालले जनाएको छ।