सुर्खेत– सल्यानमा पानी भर्न गएकी एक बालिका भेरी नदीमा बेपत्ता भएकी छन्।
बनगाड कुपिण्डे नगरपालिका–१, घाटगाउँकी १० वर्षीया लक्ष्मी बिक नदीमा बेपत्ता भएकी हुन्। आइतबार साँझ साथीहरूसँग पानी भर्न गएकी उनी नदीमा डुबेर बेपत्ता भएको जिल्ला प्रहरी कार्यालय, सल्यानले जनाएको छ।
प्रहरी नायब उपरीक्षक (डीएसपी) ढकेन्द्र खतिवडाका अनुसार नदी धमिलो भएका कारण बालिकाको खोजीमा समस्या भइरहेको छ।
इलाका प्रहरी कार्यालय, सल्लिबजार, स्थानीय र जनप्रतिनिधिले बेपता बालिकाको खोजी गरिरहेको प्रहरीको भनाइ छ।
खानेपानी अभावका कारण घाटगाउँवासीले लामो समयदेखि भेरी नदीकै पानी खाना र सरसफाइमा प्रयोग गर्दै आएका छन्।