बाँकेको नरैनापुरस्थित क्वारेन्टिनमा मृत्यु भएका युवकमा समेत कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
भारतबाट आई क्वारेन्टिनमा बसेका २५ वर्षीय युवकको एक्कासि बान्ता भई मृत्यु भएको थियो । उनको मृत्युपछि स्वाब संकलन गरी परीक्षण गरिएकोमा रिपोर्ट पोजेटिभ आएको मन्त्रालयका प्रवक्ता विकास देवकोटाले जानकारी दिए ।
उनका अनुसार भेरी अस्पतालमा गरिएको परीक्षणमा युवकमा कोरोना भाइरसको संक्रमण पुष्टि भएको हो ।
योसँगै नेपालमा कोरोनाबाट मृत्यु हुनेको संख्या २ पुगेको छ ।
हिजोमात्रै सिन्धुपाल्चोककी एक महिलाको मृत्यु कोरोना भाइरसबाट भएको पुष्टि भएको थियो।