काठमाडौं- प्रहरीकै अगाडि स्वास्थ्यकर्मीमाथि दुर्व्यवहार भएको घटनाबारे छनबिन गर्न दुई सदस्सीय समिति गठन भएको छ।
वागमती प्रदेशका जनस्वास्थ्य प्रयोगशालाका निर्देशक डा. नारायण कार्कीलाई दुर्व्यवहार र सो घटनामा मुकदर्शक बनेको प्रहरीबारे छानबिन गर्न प्रहरीले दुई सदस्यीय समिति गठन गरेको हो।
महानगरीय प्रहरी कार्यालय रानीपोखरीका डीआईजी विश्वराज पोखरेलले घटनाबारे छानबिनका लागि प्रहरी उपरीक्षक सन्तोष राठौर र निरीक्षक विष्णुप्रदीप बस्याल रहेको टोली गठन गरिएको जानकारी दिए।
‘प्रहरीकै अगाडि चिकित्सकमाथि दुर्व्यवहार भएको कुरा बाहिर आएको छ। समितिले प्रतिवेदन बुझाएपछि कारबाही प्रक्रिया सुरु हुन्छ’, पोखरेलले भने।
चिकित्सकमाथि दुर्व्यवहार दुर्ववहार गर्ने चन्द्रागिरिका उत्तम कार्की पक्राउ परिसकेका छन्।