कोरोनाबाट मृत्यु हुनेको संख्या ३ लाख पुग्यो

कोरोना भाइरस (कोभिड–१९) को संक्रमणबाट मृत्यु हुनेको संख्या विश्वभर ३ लाख पुगेको छ।

सबैभन्दा बढी मृत्यु अमेरिकामा ८५ हजार ३८८ जनाको मृत्यु भएको छ। अमेरिकापछि बढी प्रभावित युरोपियन मुलुकहरु छन्। फ्रान्समा २० हजार, स्पेनमा २७ हजार, इटालीमा ३१ हजार तथा बेलायतमा ३३ हजारभन्दा बढीको मृत्यु भइसकेको छ।

कोरोना भाइरसबारे विश्वभरको तथ्यांक अपडेट गरिरहेको वेबसाइट वर्ल्डओमिटरका अनुसार यो भाइरसबाट संक्रमित हुनेको संख्या ४४ लाख ७८ हजारभन्दा बढी छ। त्यसैगरी १६ लाख ८२ हजारभन्दा बढी संक्रमित निको भएका छन्।

गएको डिसेम्बर अन्तिम साता चीनको उहानबाट सुरु भएको कोरोना भाइरस विश्वभर फैलिसकेको छ।