काठमाडौं- भोलि (शुक्रबार) अपराह्न ४ बजे विद्यादेवी भण्डारीले संघीय संसदको दुवै सदनको संयुक्त बैठकलाई सम्बोधन गर्दैछिन्।
राष्ट्रपति भण्डारीले पूर्वनिर्धारित तालिका अनुसार शुक्रबार सरकारको नीति तथा कार्यक्रम संसदमा प्रस्तुत गर्ने भएकी हुन् ।
कार्यसूची अनुसार संघीय संसद सचिवालयले सबै तयारी पुरा भएको जनाएको छ ।
सचिवालयका अनुसार विश्व स्वास्थ्य संगठनले निर्देशीत गरेका सबै मापदण्ड पुरा गरी, स्वास्थ्य टोलीको सुझाव अनुसार दुरी कायम गरेर बसाई ब्यबस्थापन मिलाइएको छ ।
संसदको नियमित रिपोर्टींमा रहने सञ्चारकर्मीका लागि ल्होत्सेहलमा बस्ने व्यबस्था मिलाईएको छ ।
मंगलबार बसेको मन्त्रिपरिषद् बैठकले जेठ २ गते अपराह्न चार बजे सरकारको नीति तथा कार्यक्रम संसदमा प्रस्तुत गर्न राष्ट्रपतिलाई अनुरोध गर्ने निर्णय गरेको थियो ।