भैरहवा– भैरहवाको भीम अस्पतालमा एकजना भारतीय सहित १९ जना कोरोना भाइरस संक्रमितको उपचार भईरहेको छ।
अस्पतालका सूचना अधिकारी गोपाल उपाध्यायका अनुसार अस्पतालको आइसोलेसनमा ४ जना कपिलवस्तुका, १० जना रुपन्देहीको गैडहवा गाउँपालिकाका, ४ जना रुपन्देहीकै लुम्बिनीका र एक जना भारतीय छन्।
उत्तर प्रदेश, गोन्डा जिल्लाका २८ वर्षीय भारतीय नवलपरासीको मन्दिरमा पूजा पाठ गरेर भारत फर्किदै गर्दा सीमाबाट फर्काईएका थिए ।
कोरोना भाइरस संक्रमित ती युवा पुजारीले नवलपरासीमा पूजा गर्दा के कतिको सम्पर्कमा पुगे यकिन गर्न सकिएको छैन।