काठमाडौं- नेपालमा बुधबार साँझ थप २४ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार रुपन्देहीमा १२ जना, कपिलवस्तुमा ११ जना र नवलपरासीमा १ जना गरी २४ नयाँ संक्रमित थपिएका हुन्।
काठमाडौंको राष्ट्रिय जनस्वास्थ्य प्रयोगशाला र प्रादेशिक प्रयोगशालामा गरिएको परीक्षणमा १८ पुरुष र ६ महिलामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। याेसमेत नेपालमा काेराेना भाइरसबाट संक्रमितकाे संख्या २४३ पुगेकाे छ।