काठमाडौं– मंगलबार राति कोरोना पुष्टि भएकी काठमाडौं चन्द्रागिरि नगरपालिका मच्छेगाउँ बस्ने महिला कञ्चनपुरबाट आएकाे खुलेकाे छ।
कञ्चनपुरको वेदकोट नगरपालिका वडा नम्बर १० हरपाल घर भएकी उनी सशस्त्र प्रहरीमा कार्यरत छन्।
वेदकोट नगरपालिकाका मेयर अशोक चन्दका अनुसार ती महिला ६ चैत्रमा काठमाडौंबाट देवर र दुई छोराछोरीसहित वेदकोट पुगेकी थिइन्।
वेदकोटबाट देवरको ब्रतबन्ध गर्न पुख्र्यौली घर डडेल्धुराको भागेस्वर जान खोजे पनि लकडाउनले उनीहरू जान पाएनन्। जसले गर्दा ब्रतबन्ध पनि स्थगित भयो।
लकडाउनले गर्दा उनी घरमै रोकिइन। बिदा सकिन लाग्दा पनि फर्किन पाइनन्।
२८ बैशाखमा काठमाडौंबाट स्वास्थ्यकर्मी र मेडिकल सामग्री लिएर सशस्त्र प्रहरीको गाडी कञ्चनपुर गयो। त्यही गाडीमा उनी काठमाडौं फर्किइन्।
फर्किने क्रममा २८ बैशाखमा उनी चढेको गाडी कोहलपुरमा बस्यो। २९ गते दुई जना चालकसहित आठ जना काठमाडौं आएका थिए।