गृह मन्त्रालयले एक जिल्लाबाट अर्को जिल्ला जाने गरी जारी भएका सबै सवारी पास रद्द गर्नुका साथै बाहिरी जिल्लाबाट काठमाडौं उपत्यकामा आउन गृह मन्त्रालयबाट स्वीकृति लिनुपर्ने व्यवस्था गरेको छ। काठमाडौं, भक्तपुर र ललितपुरलाई भने एकै जिल्ला मानिनेछ।
काठमाडौं उपत्यका भित्रिनुपर्ने अत्यावश्यक भए गृह मन्त्रालयको स्वीकृतिमा मात्र पास जारी गर्नुपर्ने मन्त्रालयले जारी गरेको सूचनामा उल्लेख छ।
यो नियम जेठ १ गते बिहीबारदेखि लागू हुनेछ।
मुलुकमा कोरोना भाइरसका संक्रमितको संख्या बढेपछि गृहले मंगलबार दिउँसो यस्तो निर्णय गरेको हो। मंगलबारमात्रै ५७ जना कोरोना संक्रमित थपिएका छन्।