कैलाली - कैलालीमा ट्रकको ठक्करबाट मोटरसाइकलमा सवार एक जनाको मृत्यु भएको छ।
बर्दगोरिया गाँउपालिका ४ निमुवाबोझीमा ट्रकको ठक्करबाट मोटरसाइकलमा सवार जोशीपुर गाउँपालिका ६ पकरीयाका २१ वर्षीय शेर बहादुर डगौंराको मृत्यु भएको हो। यस्तै मोटरसाइलक चालक ३५ वर्षीय पर्शुराम डगौंरा घाइते भएका छन्।
पश्चिमबाट पूर्व तर्फ गइरहेको सु.प.प्र. ०१-००८ प ४४७४ नम्बरको मोटरसाइकललाई सोही दिशामा गइरहेको से१क ९४५ नम्बरको ट्रकले ओभरटेक गर्न खोज्दा ठक्कर दिएको हो। ट्रक चालक मान बहादुर कुवँरलाई ईलाका प्रहरी कार्यालय बौनियाले नियन्त्रणमा लिएको छ।