विवेकशील नेपाली दलकी नेतृ रञ्जु दर्शनासहित आधा दर्जन युवालाई प्रहरीले आज माइतीघर मण्डलबाट पक्राउ गरेको छ।
लिपुलेकमा नेपाली भूमि अतिक्रमणको विरोध गर्न पुगेका उनीहरुलाई प्रहरीले पक्राउ गरेको हो। प्लाकार्डसहित पुगेका उनीहरुलाई प्रदर्शन सुरु गर्नुअघि नै भ्यानमा हालेको थियो।
पक्राउ परेकाहरुलाई भृकुटीमण्डपस्थित नेपाल पुलिस क्लबमा राखिएको छ।
विवेकशीले नेपाली दलका अध्यक्ष मिलन पाण्डेले कूटनीतिक पहल गरेर लिपुलेक फिर्ता ल्याऊ भन्दा प्रहरीले दमन गरेको बताएका छन्।
सामाजिक दूरी कायम गरेर गरिएको प्रदर्शनमा पनि किन यस्तो दमन ? भन्दै उनले प्रश्न गरेका छन्। पक्राउ परेकाहरुलाई तुरुन्तै रिहाइ गर्न उनले माग गरेका छन्।