मानव अधिकारकर्मी कृष्ण पहाडी, उत्तम पुडासैनी लगायतलाई काठमाडौंको लैनचौरस्थित भारतीय दूतावास अगाडिबाट प्रहरीले गिरफ्तार गरेको छ।
नेपालमाथि भारतीय हस्तक्षेपको विरुद्धमा भएको शान्तिपूर्ण प्रदर्शनका क्रममा उनीहरूलाई गिरफ्तार गरेको शान्ति समाजका केन्द्रीय वरिष्ठ उपसभापति गोविन्द खनालले जानकारी दिए।
कृष्ण पहाडीसहित करिब ३० जना दूतावासको लाजिम्पाटतर्फको गेटअघिबाट पक्राउ परेका हुन्। भारतले नेपाली भूमि लिपुलेक हुँदै चीनको मानसरोवर जाने सडक निर्माण गरेपछि नेपालमा त्यसको चौतर्फी विरोध भइरहेको छ।