प्रहरी जवान चौकी नजिकै मृत फेला

सुर्खेत- सुर्खेतको सिम्तामा एक प्रहरी जवान प्रहरी चौकी नजिकै मृत भेटिएका छन् ।

सिम्ता गाउँपालिकाको बाँदेपिपल प्रहरी चौकी आग्रीगाउँमा कार्यरत प्रहरी जवान नरेन्द्र खड्का मंगलबार विहान मृत अवस्थामा भेटिएका हुन्।

प्रदेश प्रहरी कार्यालय सुर्खेतका सूचना अधिकारी लोकनाथ तिमिल्सेनाले प्रहरी चौकीको ५ सय मिटरको दुरीभित्र नजिकै कञ्चटमा गोली लागेको अवस्थामा मृत भेटिएका जानकारी दिए ।

‘हिजो रात ९ बजेदेखि हतियारसहित सम्पर्क बिहीन भएको बुझियो’ सूचनाअधिकारी तिमिल्सेनाले भने ‘खोजतलास गर्दै जाँदा ऐसेलुको झाडीमा कन्चटमा गोली लागेको अवस्थामा मृत भेटिएका छन् ।’

घटनाबारे अनुसन्धान अधिकृत भरत शाह नेतृत्वको प्रहरी टोली अनुसन्धान गरिरहेको छ।