धनगढी- लकडाउनका बेला रक्सी खाएर मोटसाइकल चलाएका कैलालीको टीकापुर नगरपालिका वडा नम्बर १ का वडाध्यक्ष गङ्गाराम आचार्य दुर्घटनामा परेका छन् ।
सोमबार राति भएको मोटरसाइकल दुर्घटनामा परेर उनको करङ भाँच्चिएको प्रहरीले जनाएको छ । टीकापुरको विजयनगर शिविरस्थित कर्ण चौधरीको पसलबाट मदिरा सेवन गरी फर्किने क्रममा नालीमा खसेर वडाध्यक्ष घाइते भएका हुन् ।
रक्सी खाएको स्थानमा वडाध्यक्षले विवादसमेत गरेका थिए । टीकापुर नगरपालिका वडा नम्बर २ का वडाध्यक्ष प्रकाश बुढाथोकीसँगै मदिरा पिउन बसेका उनीहरुबिच रातह वितरणका विषयमा भनाभन भएको थियो ।
वडाध्यक्ष आचार्य घर आउने क्रममा नालीमा खसेपछि सामुदायिक वनसँग संलग्न राजीपुरकै एक स्थानीयले उनलाई उद्धार गरेको बताइएको छ ।
उनको अहिले कैलालीकै लम्किस्थित एक अस्पतालमा उपचार भइरहेको छ ।