थलीमा नेविसंघको मसाल जुलुस, विद्यार्थी नेताहरु पक्राउ

नेपाल विद्यार्थी संघले काठमाडौंको थलीमा सोमबार साँझ मसाल जुलुस निकालेको छ। प्रहरीले पक्राउ गरेका विद्यार्थीलाई रिहाइ गर्न माग गर्दै नेविसंघले मसालसहित प्रदर्शन गरेको हो।

भारतले सीमा मिचेको विरोधमा तथा आन्दोलनरत विद्यार्थीलाई पक्राउ गरेको विरोधमा उसले जुलुस निकालेको हो। भारत सरकारको कदमको विरोध गर्दै नेविसंघले दिउँसो प्रदर्शन गरेको थियो। प्रदर्शनस्थलबाट पक्राउ परेका नेविसंघ नेताहरुलाई महेन्द्र पुलिस क्लबमा राखिएको छ।

राँके जुलुसमा निस्केका विद्यार्थी नेताहरु मनिष सिम्खडा, कान्तिपुर क्याम्पसका स्ववियू सभापति पावल बज्राचार्य, सहिद आदर्श क्याम्पसका स्ववियू सभापति निराजन नेपाल लगाएतलाई प्रहरीले नियन्त्रणमा लिएको छ।

तस्बिरहरुः दिनेश श्रेष्ठ