नेपाल-भारत सीमामा काँडेतार लगाऔं : नेता नेपाल

काठमाडौं- नेकपाका वरिष्ठ नेता माधवकुमार नेपालले भारतसँगको सीमामा काँडेतार लगाउनुपर्ने बताएका छन्।

संसद्को अन्तर्राष्ट्रिय सम्बन्ध समितिको सोमबारको बैठकमा उनले अब सीमा विवाद अन्त्यका लागि काँडेतार लगाउनुको विकल्प नभएको बताएका हुन्।

उनले तत्कालको समस्या समाधानका लागि नेपाल र भारत दुवै देशसँग कूटनीतिक वार्ता अघि बढाउनुपर्नेमा जोड दिए। नेता नेपालले भने, 'सरकारले दुवै देशसँग सीमाको विवाद सुल्झाउन तत्काल प्रयास थाल्नुपर्छ।'

पूर्वप्रधानमन्त्रीसमेत रहेका नेपालले नेपाली सिमाना क्षेत्रमा सुरक्षाकर्मी राख्ने उचित प्रबन्ध गर्न पनि सरकारलाई सुझाव दिए।

उनले भारतले दुई देशबीच भएका सन्धि उल्लंघन गरेर नेपालको सार्वभौमिकतामाथि हस्तक्षेप गरेको आरोप लगाए।  नेपालका तर्फबाट पनि आफ्नो सबै भूमि समेटेको नक्सा सार्वजनिक गरिहाल्नुपर्ने उनको भनाइ छ।