अचानक छाति दुखेपछि भारतका पूर्वप्रधानमन्त्री सिंह अस्पताल भर्ना

काठमाडौं- भारतका पूर्वप्रधानमन्त्री एवं कंग्रेस नेता मनमोहन सिंह अस्पताल भर्ना भएका छन्।

अचानक छाती दुख्ने समस्या देखिएपछि उनलाई दिल्लीस्थित एम्स अस्पतालमा भर्ना गरिएको समाचार एजेन्सी एएनआईले जनाएको छ ।

उनको अवस्था जटिल नभएको र उपचार चलिराखेको भारतीय कांग्रेस प्रवक्ता जयवीर शेरगिलले बताएका छन् । उनले ट्वीटमार्फत सिंह अस्पताल भर्ना भएको पुष्टि गर्दै शीघ्र स्वास्थ्य लाभको कामना गरेका छन्।

मनमोहन सिंह सन २००४ देखि २०१४ सम्म भारतका प्रधानमन्त्री भएका थिए।