सुर्खेत- डाइग्नोस्टिक टेस्ट रिपोर्ट पोजेटिभ आएका डोल्पाका एक वृद्धको पीसीआर रिपोर्ट नेगेटिभ आएको छ।
गत शुक्रबार त्रिपुरासुन्दरी नगरपालिका–८ पाहाडाका ६२ वर्षीय एक पुरुषको डाइग्नोस्टिक टेस्ट रिपोर्ट पोजेटिभ आएको थियो। तर आइतबार राति नमुना परीक्षण गर्दा पीसीआर रिपोर्ट नेगेटिभ आएको कर्णाली प्रदेश स्वास्थ्य निर्देशनालयका प्रयोगशाला संयोजक ओम आचार्यले जानकारी दिए।
नेपालगन्जबाट गाउँ फर्किएका कारण उनको डाइग्नोस्टिक टेस्ट रिपोर्ट पोजेटिभ आएपछि गाउँमा त्रास छाएको थियो। प्रदेश सरकारले पनि कोरोना जोखिम हुनसक्ने भन्दै हेलिकोप्टर नै चार्टर गरेर स्वाब संकलनका गरेको थियो। उनीसँगै ११ जनाको स्वाव परीक्षण गरिएकोमा सबैको पीसीआर रिपोर्ट नेगेटिभ आएको छ।