कोरोनाबाट पौने ३ लाखको मृत्यु, कहाँ कति संक्रमित ?

काठमाडौं- विश्वव्यापी महामारीको रुपमा फैलिएको कोरोना भाइरसबाट शुक्रबार मात्रै एकै दिनमा ९७ हजार १ सय २८ संक्रमित भएका छन् । पछिल्लो २४ घण्टामा ५ हजार ५ सय ५० जनाले ज्यान गुमाएका छन् ।

जोन हपकिन्स विश्वविद्यालयका अनुसार २ सय १२ फैलिएको कोरोनाबाट अहिलेसम्म ३९ लाख ३८ हजार ६४ जना संक्रमित भएका छन् । २ लाख ७४ हजार ८ सय ९८ जनाको मृत्यु भएको छ ।

कोरोनाबाट सबैभन्दा बढि प्रभावित भएको अमेरिकामा पछिल्लो २४ घण्टामा २९ हजार १ सय ६२ जना संक्रमित थपिएका छन् भने १ हजार ६ सय ८७ जनाको मृत्यु भएको छ ।

अमेरिकामा कोरोना संक्रमितको संख्या १२ लाख ८३ हजार ९ सय २९ पुगेको छ भने मृतकको संख्या ७७ हजार १ सय ८० पुगेको छ ।

यस्तै स्पेनमा शुक्रबार मात्रै ३ हजार २ सय ६२ जनामा संक्रमण पुष्टि भएको छ भने २ सय २९ जनाको मृत्यु भएको छ । स्पेनमा संक्रमितको संख्या २ लाख २२ हजार ८ सय ५७ पुगेको छ भने २६ हजार २ सय ९९ जनाको मृत्यु भएको छ ।

इटालीमा पछिल्लो २४ घण्टामा १ हजार ३ सय २७ जना संक्रमित थपिएका छन् भने २ सय ४३ जनाको मृत्यु भएको छ । इटालीमा संक्रमितको संख्या २ लाख १५ हजार ८ सय ८५ पुगेको छ भने मृतकको संख्या ३० हजार २ सय १ पुुगेको छ ।

यस्तै बेलायतमा शुक्रबार मात्रै ४ हजार ६ सय ४९ जना नयाँ संक्रमित थपिदा ६ सय २६ जनाको मृत्यु भएको छ । बेलायतमा अहिलेसम्म २ लाख १२ हजार ६ सय २९ जना संक्रमित हुँदा ३१ हजार ३ सय १६ जनाको मृत्यु भएको छ ।

रुसमा पछिल्लो २४ घण्टामा १० हजार ६ सय ९९ जनामा संक्रमण पुष्टि भएको छ भने ९८ जनाको मृत्यु भएको छ । यहाँ संक्रमितको संख्या १ लाख ८७ हजार ८ सय ५९ पुगेको छ भने १ हजार ७ सय २३ जनाको मृत्यु भएको छ ।

फ्रान्समा शुक्रबार १ हजार २ सय ८८ जना नयाँ संक्रमित थपिदा २ सय ४३ जनाको मृत्यु भएको छ । फ्रान्समा १ लाख ७६ हजार २ सय २ संक्रमित भएका छन् भने २६ हजार २ सय ३३ जनाको मृत्यु भएको छ ।

जर्मनीमा पछिल्लो २४ घण्टामा १ हजार १ सय ५८ जनामा कोरोना पुष्टि भएको छ भने १ सय १८ जनाको मृत्यु भएको छ । यहाँ संक्रमितको संख्या १ लाख ७० हजार ५ सय ८८ पुगेको छ भने कोरोनाबाट ज्यान गुमाउनेको संख्या ७ हजार ५ सय १० रहेको छ ।

ब्राजिलमा शुक्रबार १० हजार १ सय ९९ जना संक्रमित थपिदा ८ सय ४ जनाको मृत्यु भएको छ । यहाँ संक्रमितको संख्या १ लाख ४६ हजार ८ सय ९४ पुगेको छ भने १० हजार १७ जनाको मृत्यु भएको छ ।

छिमेकी मुलुक भारतमा संक्रमितको संख्या ५९ हजार ६ सय ९५ पुगेको छ भने मृतकको संख्या १ हजार ९ सय ८५ पुगेको छ । पछिल्लो २४ घण्टामा मात्रै भारतमा ३ हजार ३ सय ४४ जना संक्रमित हुँदा ९६ जनाको मृत्यु भएको छ ।

नेपालमा भने पछिल्लो २४ घण्टामा ८ जनामा कोरोनाको संक्रमण पुष्टि भएको छ । यो सँगै नेपालमा कोरोनाबाट संक्रमितको संख्या १०९ पुगेको छ ।