काठमाडौं - स्वास्थ्य तथा जनसंख्या मन्त्री भानुभक्त ढकालले सरकारले कोरोना भाइरस (कोभिड–१९)को पीसीआर प्रविधि परीक्षणलाई प्राथमिकता राखेको बताएका छन्।
मन्त्रालयमा आज आयोजित संघीय संसद्का सांसदसँग मन्त्रालयको नीति तथा कार्यक्रम सुझाव संकलनका क्रममा उनले पीसीआर परीक्षणका लागि पर्याप्त किट भएकोसमेत जानकारी दिए। उनले भने, ‘अहिले सरकारसँग पर्याप्तमात्रामा पीसीआर किट रहेकोे छ। २० हजार चीन र ३० हजार स्विट्जरल्याण्ड सरकारले उपलब्ध गराएको छ।
मन्त्री ढकालले बढी जोखिम देखिएका उदयपुर, पर्सा र नेपालगञ्जमा मन्त्रालयबाट विशेष टोली परिचालनसमेत भएको जानकारी दिए। ढकालले प्रदेशमा समान रुपले परीक्षण किट पठाइएको भन्दै बढी संवेदनशील ठाउँमा केन्द्रबाट नै विशेष टोली खटाइएको बताए।