चट्याङ लागेर रोल्पामा दुईको मृत्यु

रोल्पा - रोल्पाको लुङ्ग्री गाउँपालिका-२ सिर्पका दुई जनाको आज चट्याङ लागेर मृत्यु भएको छ। चट्याङबाट ६३ वर्षका भीमबहादुर विक र ४० वर्षका चित्र पुनको मृत्यु भएको रोल्पाका प्रहरी प्रमुख प्रहरी नायब उपरीक्षक चित्रबहादुर गुरुङले जानकारी दिए।

चट्याङले भीमबहादुरको एक बाख्रासमेत मरेको जनाइएको छ। घटना भए लगत्तै घटनास्थलमा प्रहरी चौकी सिर्प र इलाका प्रहरी कार्यालय सुलिचौरबाट प्रहरी टोली पुगेको थियो। शव परीक्षणका लागि प्रथमिक स्वास्थ्य केन्द्र सुलिचौर ल्याइएको प्रहरी प्रमुख गुरुङले बताए।