आन्ध्र प्रदेशको विशाखापटनमस्थित एक केमिकल प्लान्टमा ग्यास लिक भएपछि तीन जनाको मृत्यु भएको छ। कैयौंलाई आँखामा जलन हुनुका साथै सास लिन गाह्रो भएको बताइएको छ।
प्लान्ट आसपास भागदौड मच्चिएको छ भने प्रहरीले आसपासका ५ गाउँ खाली गराएको छ।
प्रहरीका अनुसार २ सयभन्दा बढी बिरामी भएका छन्। उनीहरुलाई अस्पताल लगिएको छ र थप बिरामी भए अस्पताल लैजान ५० वटा एम्बुलेन्स तैनाथ गरिएको छ।
लकडाउन केही खुकुलो भएर उद्योग खुल्नासाथ यो दुर्घटना भएको हो। बिहान ३ बजे ग्यास लिक भएको बताइएको छ। ५ किलोमिटरसम्म ग्यास फैलिएको अनुमान गरिएको छ।
बीबीसी