प्यूठानमा असिना–पानी, मकैबाली नष्ट

प्यूठानको गौमुखी गाउँपालिका वडा नम्बर ४ पूजामा बुधबार साँझ मुसलधारे पानीसँगै परेको असिनाले मकैबाली नष्ट गरेको छ ।

उक्त वडाका अध्यक्ष टुक बहादुर केसीले फोनमा ‘ठूलो पानी र असिना आयो । मकैबाली ध्वस्त नै बनाएको छ । कहाँ कति क्षति भयो अझै पत्तो लागेको छैन ।’

मुसलधारे पानी परेसँगै ठाडा खोलाहरु उर्लेर आएको बताइएको छ । करिब २ घन्टा सम्म लगातार पानी परेको थियो।