वीरगन्ज- कोरोना भाइरस संक्रमण फैलिएपछि सजगता अपनाउन जिल्ला प्रशासन कार्यालय पर्साले वीरगन्ज महानगरपालिकाका विभिन्न क्षेत्रमा सिल गरेको छ।
प्रशासनले पूर्वमा रजत जयन्ती चोक, इदगाहचोक, छपकैया बिट चोक, मालपोत चोक र पश्चिममा छपकैया बजार चोक , सर्सिया पुल चोक, सिर्सिया भन्सार इलाकामा सिल गरेको छ।
यस्तै उत्तरतर्फ एमबीएस स्कुल, पानी ट्यांकी चोक, युक्तिसुधार केन्द्र, बहिपुल, दक्षिणतर्फ वीरगन्ज महानगरको वडा नम्बर १ र २ का भारतसँग
सीमा जोडिएका क्षेत्रसहित वडा नम्बर १, २ र ३ का इलाका समेटिने गरी सिलबन्दी गरिएको जिल्ला प्रशासन कार्यालयले जनाएको छ। बुधबार २ महिने शिशुसहित १७ जनामा काेराेना संक्रमण पुष्टि भएपछि संवेदनशील क्षेत्र मानेर सिल गरिएकाे बताइएकाे छ।