टर्कीको फुटबल एसोसिएनले जुन १२ बाट फुटबल खेल सुचारु गर्ने भएको छ। एसोसिएसनका अध्यक्ष निहात ओज्देमिरले पत्रकार सम्मेलन गर्दै जुन १२ बाट लिग सुरु गरेर जुलाईको अन्तिमसम्ममा सबै खेल सक्ने योजना बनाएको हो।
टर्कीले घरेलु प्रतियोगिताको साथै टर्कीले च्याम्पियन्स लिगको फाइनल गराउन पनि तयारी गरिरहेको छ। एसोसिएसनका अध्यक्ष निहातले भने, “हाम्रो राष्ट्र च्याम्पियन्स लिगको फाइनल खेल गर्न सक्षम छ।”
स्तानबुलस्थित अटरुक ओलम्पिक स्टेडियनमा च्याम्पियन्स लिगको फाइनल आयोजना गर्ने तयारी छ। तर, प्रतियोगिता मार्च २३ बाट अनिश्चितकालका लागि स्थगित गरिएको छ।
फ्रान्सको लिग वान रद्ध भएसँगै च्याम्पियन्स लिगको यो सिजनमा धेरै अप्ठेरा छन्। तर, युरोपियन फुटबलको सर्वोच्च निकाय युईएफएले जसरी भए पनि प्रतियोगिता गराउने बताउँदै आएको छ।
घरेलु लिग सञ्चालन भए च्याम्पियन्स लिग पनि सँगै गराउने युईएफएको योजना छ। घरेलु प्रतियोगिता स्थगन भएमा युरोपियन क्लब च्याम्पियनसिप घरेलु सिजन सकिएपछि हुनेछ।
स्काई स्पोर्ट्स