मंगलबार, असार २३, २०७७

समाज

‘इनफ इज इनफ’ ग्रुपको अनशन पाटनमा जारी

1593479509_90A1145.jpg

काठमाडौं– कोरोना भाइरस नियन्त्रणमा सरकारले चालेको कदम प्रभावकारी नभएको भन्दै स्वतन्त्र युवाको समूह ‘इनफ इज इनफ’ ग्रुपले अनशन सुरु गरेको ४ दिन पूरा भएको छ।

उक्त ग्रुपले पीसीआर परीक्षण बढाउन, आरडीटी टेस्ट रोक्न, क्वारेन्टिनको उचित व्यवस्थानको मागसहित ललितपुर, पाटनस्थित कृष्ण मन्दिर परिसरमा गएको शुक्रबार अनशन सुरु गरेको थियो।

अनशनमा सहभागीहरुले पानीसमेत नखाएको बताइएको छ। ग्रुपले प्रेस विज्ञप्ति जारी गर्दै भनेको छ, ‘सरकारले चाहेमा धेरै गर्न सक्थ्यो। भ्रष्टाचारमा लिप्त भएर सरकार जनताको जीवन जोगाउन असफल हुँदै गएको छ। यसको हामी घोर विरोध गर्छौं।’

ग्रुपले यसअघि सरकारको कामकारबाहीको विरोध गर्दै हस्ताक्षर संकलन, जनप्रतिनिधिलाई एसएमएसमार्फत् जवाफ माग, मुलुकभर १०० भन्दा बढी स्थानमा शान्तिपूर्ण धर्ना तथा प्रदर्शनलगायत कार्यक्रम गरिसकेको छ।

प्रतिक्रिया दिनुहोस्