काठमाडौं- संघीय संसदको बजेट अधिवेशनअघि सांसदहरुको कोरोना परीक्षण हुने भएको छ। अधिवेशन शुक्रबार सुरु हुँदै छ।
संघीय संसद्का प्रतिनिधिसभा र राष्ट्रियसभा सदस्यहरुको पीसीआर विधिबाट कोरोना परीक्षण गरिने संसद् सचिवालयको छ।
सचिवालयका अनुसार बिहीबार बिहान १० बजे सदस्यहरुको कोरोना परीक्षण गर्ने कार्यक्रम छ।
सांसदहरुको परीक्षणका लागि संसद् भवनमै चिकित्सक सहितको टोली खटिनेछ।
यसैगरी, संसद बैठकमा सांसदहरुलाई बस्ने नयाँ व्यवस्था गरिएको छ। जेठ १५ गते बजेट ल्याउने संवैधानिक व्यवस्था रहेकोले त्यसअघि बजेट अधिवेशन सुरु हुन लागेको हो।