लकडाउनको समयमा कैलाली र मकवानपुरमा प्रहरीले ठूलो परिणाममा मदिरा बरामद गरेको छ। दुवै जिल्लाबाट ठूलो परिणाममा सिलप्याक र अवैध घरेलु मदिरा बरामद गरी नष्ट गरेको प्रहरीले जनाएको छ।
दुबै जिल्लाबाट गरी एक हजार दुई सय ६२ बोतल सिलप्याक र करिव साढे सात हजार लिटर अवैध घरेलु मदिरा बरामद गरेको प्रहरीले जनाएको छ।
कैलालीको टीकापुरबाट लकडाउन अवधिभर बेवारिसे अवस्थामा एक हजार दुई सय बोतल सिल प्याक मदिरा तथा ६ हजार ८ सय लिटर अबैध घरेलु मदिरा बरामद गरेको प्रहरीले जनाएको छ।
ईलाका प्रहरी कार्यालय टीकापुरका प्रमुख प्रहरी नायव उपरीक्षक मनोहर भट्टले बरामद अबैध घरेलु मदिरा सरोकारवालाको रोहबरमा नष्ट गरिएको र सिल प्याक मदिरा कर दाता सेवा कार्यालय लम्कीमा आवश्यक कारबाहिका लागि पठाइएको जानकारी दिए।
यस्तै मकवानपुर प्रहरीले बुधबार बिहान हेटौडा उप–महानगरपालिका–११ थानाभर्याङस्थित पूर्व पश्चिम लोकमार्गको सडक खण्डमा दुई वटा म्याजिकमा लुकाई राखेको २५ वटा ग्यालिनमा करिव साढे ६ सय लिटर अबैध घरेलु मदिरा बरामद गरेको जनाएको छ। प्रहरीले उक्त मदिरा नष्ट गरेको छ।