मंगलबार, असार २३, २०७७

बजार

आईएमएस ग्रुपद्वारा नेपाली इ–कमर्स प्लेटफर्म स्मार्टडोकोमा लगानी

1593421925Company_Merge_post_landscape_(.png

आईएमएस ग्रुपले स्मार्टडोकोको पर्याप्त हिस्सेदारी हासिल गर्न निश्चित सम्झौता गरेको छ । आज (सोमबार) उक्त सम्झौता भएको हो।

स्मार्टडोको ई–कमर्स प्लेटफर्म हो । कम्पनीले विगत चार वर्षदेखि अधिकृत कम्पनीहरूबाट जेन्युइन सामानहरू अर्डर गर्ने र केही घण्टामै ग्राहकको ढोकामा पुर्याउने सेवा प्रदान गर्दै आएको छ।

“नयाँ युग डिजिटल हुँदै गइरहेको साथसाथै स्मार्टफोन र अनलाइन क्षेत्रमा तिब्र गतिले विश्वव्यापी ई–कमर्समा ठूलो वृद्धि देखिएको छ । त्यसैले आईएमएस ग्रुपले स्मार्टडोकोमा थप लगानी गर्ने निर्णय गरेको छ । सम्पूर्ण विश्व महामारीको चपेटामा परिरहेको बेला ग्राहकहरु आक्रामक रूपमा अनलाइन सपिङको प्रयोग गरिरहेको अवस्थामा हामीले निकट भविष्यमा ई–कमर्सको व्यवसाय फस्टाउँदै गई रहेका देख्छौं । तसर्थ, कम्पनीले हालको आवश्यकताहरू सम्बोधन गर्न र डिजिटल वर्ल्डको साथ जारी राख्न एक क्लिक समाधान प्रदान गर्नका लागि स्मार्टडोकोमा लगानी गर्ने निर्णय गरेको छ,” आईएमएस ग्रुप अध्यक्ष तथा प्रमुख कार्यकारी अधिकृत दिकेश मलहोत्राले भने।

वेबसाइट र मोबाइल एप्लिकेसनलाई पुनः सुधार गरी स्मार्टडोको प्रयोगकर्ताहरूलाई सहज र आकर्षक ईन्टरफेसको अनुभव दिलाउने उनले बताए । “हामीलाई पूर्ण विश्वास छ कि हाम्रा रहिरहेका र नयाँ ग्राहकहरूलाई सन्तुष्टि प्रादन गर्न सक्नेछौं,” उनले थपे।

आईएमएस ग्रुप एक स्थानीय समूह हो, जसअन्तर्गत २० भन्दा बढी कम्पनीहरु छन् । आईएमएस नेपालमा सामसङ स्मार्टफोनको राष्ट्रिय वितरक हो । सन् १९९८ मा आधिकारिक रूपमा मोबाइल फोन आयात गर्ने यो नेपालको पहिलो कम्पनी हो ।

कम्पनीले लक्जरी कोरियाली अटोमोबाइल ब्रान्ड साङयोङको डिलरसिप पनि प्राप्त गरेको छ र हालसालै नेपालका लागि डक्टरब्राउन, क्रेन, हिमालय, बिबि लभ, ड्रिमबेबि एनर्जाइजर र डीजिआइ जस्ता अन्तर्राष्ट्रिय ब्रान्डहरूको डिलरशिप पनि प्राप्त गरेको छ । यसले शिक्षा, बैंकिङ, निर्माण, कृषि र अन्य धेरैमा आफ्ना सेवाहरू विस्तार गरेको छ ।

प्रतिक्रिया दिनुहोस्