भोकालाई खाना खुवाउँदै भैरहवाका युवा

लकडाउनको बेला समस्यामा परेकाहरुका लागि भैरहवाका युवाहरुले खाना पकाएर खुवाउन थालेका छन् । अमर ज्योति युवा क्लब भैरहवा सम्बद्ध युवाहरुले यस्तो काम थालेका हुन् ।

क्लबले बिहानको एक छाक खाना खुवाउनेगरी तयारी थालेको अध्यक्ष प्रभात गुरुङले बताए । उनल भने, ‘हामीले पहिलो चरणमा अस्पतालहरुमा रहेका विरामी र कुरुवालाई खुवाउँछौं । एक दिनमा पाँच सय जनालाई खाना खुवाउने कार्यक्रम छ ।’

क्लब सम्बद्ध युवाहरुले प्रहरी र सशस्त्र प्रहरीका जवानहरुलाई पनि खाजा सामग्री उपलब्ध गराउने तयारी गरेको क्लबका कोषाध्यक्ष रेमसेन ठकुरीले बताए।