भैरहवा- बुटवल उपमहानगरपालिका- १९ मोतिपुरको जंगलमा एक महिला र एक पुरुषको शव सिसौको रुखमा झुण्डिएको अवस्थामा फेला परेको छ।
गुल्मीकी युवती र उदयपुरका युवक एउटै रुखमा प्लाष्टिकको डोरीको पासोमा झुन्डिएको अवस्थामा मृत भेटिएको ईलाका प्रहरी कार्यालय बुटवलका प्रहरी नायव उपरीक्षक भिमलाल भट्टराईले बताए ।
प्रहरीका अनुसार श्रीमान रोजगारीको सिलसिलामा विदेश रहेका गुल्मी जिल्ला मदाने–५ मलागिरी घर भै रुपन्देहीको मोतिपुरमा वस्ने वर्ष २४ की महिला र स्थानीय एक उद्योगमा काम गर्ने उदयपुर जिल्लाका वर्ष ३० का हिरा श्रेष्ठ एउटै रुखमा झुण्डिएको अवस्थामा मृत फेला परेका हुन् ।
उनीहरुले आत्महत्या गरेका हुन वा कसैले हत्यागरी झुन्डाएको हो अझै नखुलेकाले थप अनुसन्धान भइरहेको प्रहरीले जनाएको छ।
दुबैजनाको शव लुम्बिनी प्रादेशिक अस्पताल बुटवलमा राखिएको छ ।