काठमाडौं– नवगठित जनता समाजवादी पार्टीका सांसद डा.सुरेन्द्र यादवको अपहरण भएको भन्दै दिइएको जाहेरी निवेदन सरकारी वकिलको कार्यालयले दर्ता गरेको छ।
पार्टीका महासचिव केशव झाका अनुसार सरकारी वकिलको कार्यालय, काठमाडौंले सोमबार अपहरणमा परेका भनिएका यादवले दिएको किटानी जाहेरी दर्ता गरेको हो।
जाहेरीको दर्ता नम्बर १०४७ छ।
यसअघि प्रहरीले किटानी जाहेरी दर्ता गर्न अस्वीकार गरेपछि नेताहरु सरकारी वकिलको कार्यालय पुगेको थिए र त्यहाँ पनि जाहेरी दर्ता हुनसकेको थिएन।
सत्तारुढ नेपाल कम्युनिष्ट पार्टीका सांसदद्वय महेश बस्नेत, किसान श्रेष्ठ र पूर्वप्रहरी प्रमुख सर्वेन्द्र खनालले सांसद यादवको अपहरण गरेको आरोप लगाइएको छ।
सरकारी वकिलको कार्यालयले किटानी जाहेरी दर्ता गरेपछि छानवीनका लागि प्रहरीमा लेखिपठाउने छ।