मन्त्रिपरिषद् बैठक जारी, मुख्य एजेन्डा बजेट अधिवेशन र लकडाउन

मन्त्रिपरिषद् बैठक प्रधानमन्त्रीको सरकारी निवास बालुवाटारमा जारी छ।

बैठकमा जारी बन्दाबन्दी (लकडाउन), बजेट अधिवेशन आदिबारे छलफल र निर्णय हुने बताइएको छ।

संवैधानिक व्यववस्थाअनुसार जेठ १५ गते वार्षिक बजेट संसदमा प्रस्तुत गर्नुपर्छ। त्यसअघि नीति तथा कार्यक्रम प्रस्तुत हुने गर्छ। आजको मन्त्रिपरिषद् बैठकले संसदको बर्खे अधिवेशन आह्वान गर्न राष्टपतिसमक्ष सिफारिस गर्ने अपेक्षा गरिएको छ।

आजको बैठकले जारी लकडाउनबारे पनि निर्णय गर्ने बुझिएको छ। गत चैत ११ गतेदेखि जारी लकडाउन २५ वैशाखमा सकिँदैछ। लकडाउन जारी राख्ने वा खुकुलो बनाउँदै लैजानेबारे सरकारले आज निर्णय गर्न सक्नेछ।

सरकारले वैशाख ३१ गतेसम्म सीमा सिल गर्ने र जेठ २ गतेसम्म हवाई उडान बन्द राख्ने निर्णय पनि यसअघि नै गरिसकेको छ।