कोरोना भाइरस : के हुँदैछ अमेरिकामा ?

जोन्स हप्किन्स युनिभर्सिटीका अनुसार अमेरिकामा कोरोना भाइरसबाट संक्रमित हुनेको संख्या १० लाख ५६ हजार ४०२ पुगेको छ। यसैगरी मृत्यु हुनेको संख्या ६१ हजार ८६७ छ।

राष्ट्रपति डोनाल्ड ट्रम्पले सामाजिक दूरीको अनिवार्यता नबढाउने बताएका छन्। शुक्रबारदेखि नै यस्तो नियम हट्नेछ।

लस एन्जलसमा सबैको निःशुल्क रुपमा कोरोना भाइरस परीक्षण हुने भएको छ। कोरोनाको लक्षण नदेखिए पनि वा शंका नलागे पनि सबैको परीक्षण गरिनेछ।

अमेरिकाका वरिष्ठ संक्रामक रोग विशेषज्ञ डा. एन्थोनी फाउचीले अमेरिकामा लकडाउन चाँडै खुलाइएको बताएका छन्। उनले यो पनि बताएका छन्– अर्को वर्षको जनवरीसम्ममा करोडौं भ्याक्सिन तयार हुनसक्छ।

बीबीसी