बेलायतमा कोरोना भाइरसबाट मृत्यु हुनेको संख्या २६ हजार ७ सय ११ पुगेको छ।
कोरोना संक्रमणका कारण आईसीयूमा भर्ना भएर ठिक भएका प्रधानमन्त्री बोरिस जोन्सनले कोरोना महामारीको ताजा स्थितिका बारेमा जानकारी दिएका छन्।
मृतकको संख्याबारे जानकारी दिँदै प्रधानमन्त्री जोन्सनले भने, ‘हामी उनीहरुको शोक मनाइरहेका छौं। तर, सँगसँगै हामीले यो महामारीलाई हराउन संकल्प पनि गर्नुपरेको छ।’
२७ मार्चमा कोरोना संक्रमण भएका प्रधानमन्त्री एक महिनापछि काममा फर्किएका हुन्। आफू निको भएपछि गएको मंगलबार उनले पहिलो मन्त्रिपरिषद बैठक बोलाएका थिए।
बीबीसी