दक्षिण कोरियामा कामदार लिएर जाने विमानको उडान रद्द

काठमाडौं – नेपाली कामदार लिएर बिहीबार दक्षिण कोरिया जाने भनिएको नेपाल एयरलाइन्सको उडान रद्द भएको छ। विमानमा जाने सबै यात्रुको कोरोना संक्रमण परीक्षण बिहीबारसम्म नसकिने भएकाले उडान रद्द गरिएको नेपाल वायुसेवा निगमकी प्रवक्ता अर्चना खड्काले जानकारी दिइन्।

‘हाललाई उडान स्थगित गरिएको छ, कहिले जाने भन्नेबारे निश्चित भैसकेको छैन’, खड्काले भनिन्, ‘सबै यात्रुको परीक्षण रिपोर्ट आएपछि मात्रै उडान हुन्छ।’

सोमबार बसेको मन्त्रिपरिषद्को बैठकले रोजगारको शिलशिलामा कोरियामा रहेका नेपालीहरु घर बिदामा आएको बेला लकडाउनले गर्दा यतै रोकिएकोमा स्वास्थ्य परीक्षण गरेर कोरिया पठाउने निर्णय गरेको थियो।