काठमाडौं– आज देशका पश्चिमी भूभागलगायत पहाडी भेगमा सामान्य बदली रही पश्चिमका एक–दुई स्थानमा मेघगर्जन वा चट्याङसहित वर्षा भइरहेको जल तथा मौसम पूर्वानुमान महाशाखाले जनाएको छ।
महाशाखाका अनुसार आज दिउँसो देशभर सामान्य बदली रही पश्चिमका थोरै स्थानमा मेघगर्जन वा चट्याङसहित हल्का वर्षाको सम्भावना छ।
बंगालको खाडी/अरब सागरबाट समेत जलवाष्फयुक्त हावा नेपाल प्रवेश हुँदा वर्षा भइरहेको मौसमविद्ले जनाएका छन्। यस्तै, आज राति देशभर सामान्य बदली रही मध्य र पूर्वका केही स्थानमा र पश्चिमका एक–दुई स्थानमा मेघगर्जन/चट्याङ/असिना र हावाहुरीसहित हल्कादेखि मध्यम वर्षाको सम्भावना रहेको महाशाखाले जनाएको छ।